Page 6 - Heftli 1 - 13 farbig

Ja, liebe Samichlaus
Es gseht für dich das Johr scho e chli bedänklich us:
Du bisch hüt nämli s’letscht Mal bi de Männerriege gsi.
Für dä Club heissts Endi Jahr halt ebe „exitus“.
Wirsch allerdings no lang nöd arbeitslos debi.

Chunnsch eifach s’nächschte Johr in Männerturnverein.
En grosse-n Underschied für dich, da gits ja kein:
Es sind immer no di gliiche-n-alte Grinde (ich meine Chinde).
Und muesch halt immer gnauer sueche, nach öisne Sünde.

Zum Sündige simmer einewäg fast alli z’alt und au z’bequem,
und mänge würd viellicht ganz gärn e Fitze verdiene …
Wänn wieder emal e Chance zum es bitzli Sündige chähm.
Drum bis hüt gnädig – Sünder findsch da ine niene.

Und jetzt gahsch zrugg in Etzel ue
Häsch äntli wider dini wohlverdienti Rueh.
Aber e chli Bewegig tät dir ebe glich na guet.
Chunnsch zu öis, au wänns es bitzli öppis choschte tuet.

Mer nämed alli, isch ja klar.
Da wär im Fall s’Aamäldeformular …
Paul Fäh