Page 4 - Heftli 1-19
P. 4
Vielen Dank für Deinen Einsatz als Präsident.
An der GV vom 18. Januar 2019 hat Dölf Mazenauer nach 10 Jahren
als Präsident des MTRJ seine Aufgaben in jüngere Hände
übergeben. Von der Versammlung wurde er, auf Antrag des
Vorstandes, zum Ehrenmitglied ernannt. Werner de Mont,
Vizepräsident, hat ihm für seinen grossen Einsatz in Versform
gedankt.
Präsident wott er jetzt müme sii
die Ziite, sie sind ab sofort verbii.
Es paar Jahr häsch für eus alli chrampfet,
ganz vill gueti Idee zum Bode us gschtampfet.
Für eus Männerturner häsch alles gmacht,
vorus dänkt und organisert bis i alli Nacht.
Du häsch eus gfüehrt über villi Runde
drum möchted mir Dir euse Dank bekunde.
Gmeinsam hät eus Schöns begeischteret
gmeinsam hämmer au s’Andere gmeischteret.
Für eus alli häsch offni Ohre gha
nie häsch de Fade abriisse lah.
Männerturner simmer worde mit Dir
ja, und das nöd nur uf em Papier.
Dölf, mir danked Dir vo Härze für die Jahr
dass mir wiiter uf Dich zähled isch doch klar.
Vo jetzt a dörfsch wiiter mit eus umeschpringe
und de Donnschtig‐Abig mit eus verbringe.
Du übergisch en zwäge Huufe
da druf dörfed mer sicher no eis suuffe.
Erhebet s’Glas uf de Mazenauer Dölf
mir danked Dir vo Härze für Dini «Hölf».